【土瓜灣搵樓】美景樓・定安大廈・喜點・34校網筍盤大檢閱

九龍城區作為傳統名校網,自然受到唔少嘅家長追捧。 不過九龍城區屋苑並唔係人人都負擔得起,性價比自然係家長嘅最大要求。 如果你有咁嘅諗法,土瓜灣區以下呢三個屋苑,可能會係你心水選擇 !

喺九龍城區, 34校網都係傳統嘅名校網之一,例如協恩中學附屬小學,聖羅撒學校,陳瑞祺喇沙等等,都受到唔少家長歡迎。為咗心頭好,唔少家長係呢一區搵盤都爭崩頭。所以今次帶大家嚟到土瓜灣,一齊睇嚇啲價廉物美,又入34校網嘅細價盤。

第一個要介紹嘅,就係位於土瓜灣落山道78-84號嘅美景樓。 兩座大廈,合共單位大約336伙。 受惠於社區嘅長年成熟發展,樓下附近嘅生活飲食配套完善,由街坊小店,到大型超市街市都一應齊備, 而且價廉物美,明顯專做街坊生意,住喺呢度可以算得上係衣食無憂。 交通方面,土瓜灣巴士線貫通港九新界,四通八達,可以話係九龍數一數二線路最齊備嘅地區。 雖然係舊區,不過鄰近土瓜灣站,行大約5分鐘就到。交通咁方便,小朋友返學放學都唔使擔心啦。

而距離美景樓冇幾遠嘅定安大廈,亦都係區內細價盤嘅精選之一。 位於土瓜灣道下鄉道交界嘅定安大廈,1973年落成,全座合共870個單位。 由於同美景樓相近,所以佢哋交通網絡同生活嘅配套都可以共享,無論係小學定係中學校網,往返都非常方便。好似名校協恩中學,由樓下出發只需10分鐘就行到。距離咁近,返學放學就自然輕鬆得多 !而且九龍城區內嘅頂級嘅學府,大部份同地下交通接軌,上車10-15分鐘已經可以抵達校門。

係咪聽到有啲心動呢? 如果閣下想搵一啲新落成嘅樓盤,咁以下呢個介紹可能會符合你嘅要求。 My place,喜點! 位於北帝街嘅喜點,屬於市建局帶頭發展嘅單幢式住宅物業,整座物業提供168個單位。 實用面積介乎229至357尺,主要由開放式單位同埋一房戶構成,適合新婚夫婦或者三人家庭居住。喜點除咗巴士小巴等等線路之外,距離沙中線嘅宋王臺站亦都只係10分鐘嘅路程,交通優勢相當之明顯。 鄰近仲有土瓜灣運動場、亞皆老街運動場,適合平時帶小朋友去放電之用。 而無幾遠就有一個啟德體育園,作為啟德發展計劃當中最重要嘅一個大型基建項目,佢有住各式各樣嘅體育設施同埋場館,子女多咗機會接觸不同嘅體育項目。 能夠身心均衡發展,小朋友嘅將來自然更加全面 !

聽完今次嘅介紹,如果想了解更多,立即按此向在線客服查詢啦!

相關文章 :

【紅磡搵樓】環海東岸・海逸豪園・黃埔新邨・35校網選「宅」... 生兒育女,望子成龍,係好多父母內心嘅願望 。想要嬴在起跑線,又想學習站在最前線,好多人都知唔係咁容易。 好似九龍城名校網人人都想入,但係附近...
【直播節目】啟德直入34校網?選校置業一條龍!... 想住近名校區?????都可以好多選擇! 唔講唔知,啟德原來都納入34名校網???? 呢區出名多新盤,撞到入伙潮,不乏筍租盤供應???????...
【直播節目】1個元朗3個校網?選校搵樓防伏錦囊﹗|特別嘉賓:曾廣豪... 1個元朗3個校網 !元朗幅員廣闊, 校網劃分得相當複雜! 想避開U形擲界位?...
【34校網】啟德納入名校網?買樓要認清擲界盤... 近年來啟德新樓盤陸續登場,加上屯馬線一期已經通車、全線亦預計於2021年第三季度全面通車,令到啟德發展計劃漸入佳境。除此之外,區內不少新樓、...
分享: