【黃大仙搵樓】黃大仙上車屋苑逐格睇

作為年青人,想獨立出嚟社會生活,置業自然係首要目標!無論買樓定租樓,手頭資金又未必夠,唔通夢想生活,真係海市蜃樓?今次帶大家嚟到有求必應嘅黃大仙,呢個區話唔埋可以實現你嘅夢想呢?

黃大仙嘅居屋天馬苑,長年都係置業人士嘅心水之選 。全因屋苑超過2800幾個單位,大部份主打嘅都係一到兩房嘅上車單位,無論租、買都性價比高!

天馬苑實用面積由340至410尺不等,而且為處於黃大仙半山,風景開揚。 樓下連接區內主要幹道龍翔道,有多條巴士線路接駁各地 ,距離黃大仙站只係8-10分鐘嘅距離,返工返學都非常方便!附近仲有不同嘅大型中心俾住戶享用,例如黃大仙中心、鑽石山嘅荷里活廣場,以及樂富廣場等等。

屋苑周圍都有唔少嘅康樂設施,好似大型嘅摩士公園,提供不同嘅消閒設施,方便大家舒展筋骨,鍛練身體 。

距離天馬苑只係1街之隔嘅翠竹花園,亦都係大受上車客追捧嘅屋苑之一。同樣處於黃大仙半山嘅翠竹花園,佢一共分三期,分由14座大廈組成,提供超過3500個單位。 成個屋苑主打兩房至三房戶,而屋苑最為人稱道嘅地方,就係佢嘅實用面積接近九成,間隔極為實用 。

翠竹花園位處於獅子山傍,附近人流唔多,環境清幽,適合喜愛寧靜生活嘅人士,高層單位更加可以遠望九龍灣嘅海景。翠竹花園屬於私人發展商參與居屋,所以屋苑配套亦相當完備,除咗停車場、公園等等之外,仲連室外泳池都有,大大提高咗生活質素。

交通方便,附近有竹園村巴士總站,提供前往九龍市區嘅巴士路線。 或者可以行10分鐘左右,去到樓下嘅黃大仙地鐵站,轉駁港鐵去到其他地方。

第三個介紹嘅屋苑,就係近年黃大仙嘅新貴 —現崇山 。2012年正式入伙嘅現崇山,發展商係嘉里建設。 8座單位平均樓高31層,為整個屋苑提供左968個單位。 為方便唔同嘅住戶需求,屋苑單位由兩房至四房連儲物室都有,樓層景觀比較統一,無論價錢高低,室外景觀同樣怡人。

相對於居屋同埋公屋為主嘅黃大仙區,現崇山嘅出現可以話係別樹一格,為整個地區帶來一番新氣象。例如佢擁有區內最大型嘅住客會所連平台花園,總面積超過12萬尺,裏面提供超過20項嘅會所設施,仲有兩個大型宴會廳可以舉辦不同活動。

屋苑自設商場,連同黃大仙中心連成一個共享商圈,為住客提供各式生活需要。交通便利亦係現崇山一大賣點,去黃大仙地鐵站只需幾分鐘路程,連同龍翔道同沙田坳道嘅海量巴士站,港九新界,任意選擇。

三個介紹,各有不同特色,符合唔同年輕住戶嘅需要。 聽完介紹有冇令你心動想知多啲?立即按此向在線客服查詢啦!

相關文章 :

【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
【沙田搵樓】美城苑.富嘉花園.雲疊花園.港鐵實用屋苑... 沙田區發展成熟度高,擁有優質交通配套!加埋屯馬線、沙中線三線加持,絕對係將來嘅交通重心。亦因為咁,咁多年來,好多屋苑都圍繞住沙田站進行發展。...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
【沙田搵樓】御龍山.銀禧花園.碧濤花園.靚景.竉物屋苑之選... 有養開寵物嘅你,無論係想置業定換樓,優先要考慮嘅,就一定係照顧咗毛孩主子嘅需要!如果你心儀嘅置業地方係喺沙田區,以下介紹呢三個屋苑唔單只喺可...
【將軍澳搵樓】寶盈花園・唐明苑・康盛花園・優越上車新地帶... 今年將軍澳樓盤交投活躍,當中唔少都係年輕嘅上車戶。到底呢一個地方,有啲咩咁吸引佢哋?難道……呢度上車真係特別有着數?...
分享: