【黃大仙搵樓】竹園北村・東頭邨・黃大仙下邨・健康生活不求人

 

一個居住環境,能夠令到自己舒適自在嘅話,當然係一個理想嘅選擇。如果有埋健康生活,強健體魄,容易上車嘅呢啲元素落去,呢個居住地點,就真係難能可貴。原來合乎以上條件嘅,喺黃大仙區就已經搵得到!

眼前呢度環境優美,景色怡人,對於任何人來講都係一個居住嘅好地方,呢度就係黃大仙嘅竹園北村!竹園北村位於黃大仙嘅北面,坐落喺沙田坳道同埋穎竹街之間。原本屋苑屬於房委會興建嘅公屋,後來政府嘅租者置其屋計劃之下,竹園北村流入市場,就成為唔少上車人士嘅搶手貨。

竹園北村嘅八座樓宇,擁有超過6700個單位,屬於Y型設計,普遍每翼8戶,每層24戶 單位面積大部份為147尺至530尺之間,租置計劃下,住戶可以自行間隔,大大提升空間嘅靈活度。 竹園北村最大嘅賣點,就在於佢環境清幽,喺翠綠群山包圍之下,每一口呼吸到嘅都係清新嘅空氣。 而且屋苑附近康體活動設施充足,除咗體育館之外,亦有大型長樓梯連接黃大仙,適合喜歡鍛練身體嘅人士。生活配套方面,竹園北村擁有自設嘅街市、商場中心,亦設有通往各區嘅巴士總站,衣食住行一應俱全。

第二個要介紹嘅就係東頭邨! 東頭邨位於新蒲崗同埋九龍城之間,雖然規劃上佢屬於黃大仙區,但係其實佢同九龍城都只係咫尺之隔。 東頭邨屬於出售公屋,整個屋苑加埋超過6000個單位,住宅面積大約係150尺至600幾呎不等。 自從屯馬線嘅啟德站通車之後,座落係中間點嘅東頭邨,就坐擁樂富站同啟德站嘅港鐵優勢 鄰近嘅九龍城亦都係香港人衣食住行嘅熱點之一。但係對於好多運動人士來講,東頭邨最吸引嘅地方,就係佢鄰近黃大仙區最大型公園-摩士公園。摩士公園一共分為四個區域,擁有大量豐富嘅康體設施,除咗泳池、網球場、室內體育館等等嘅基礎設施之外,佢仲設有草地、人造草以致硬地等等多款不同嘅足球場,深受足球愛好者歡迎,更加係唔少職業足球隊恆常練習嘅場地。

不過講到黃大仙,一定要介紹佢地標式嘅屋苑-黃大仙下邨。 黃大仙下邨位於黃大仙同樂富嘅中間,整個屋苑有超過4700個單位,單位面積由145-598尺之間。 係90年代初黃大仙下邨(一邨)正式入伙,房委會亦都將呢度撥出成為租置計劃嘅一部份,時至今日仍然係唔少上車人士嘅熱門選擇。由於黃大仙下邨比樂富、黃大仙、鑽石山三個地鐵站包圍,令到唔同座數嘅住戶,都可以因應自己地位選擇交通。 受惠於黃大仙祠旅遊發展嘅影響,附近黃大仙中心商戶林立,而且街頭巷尾亦有唔少當地美食,生活,娛樂輕鬆方便。 呢度健康生活指標亦都非常高,村內亦有排球、籃球、羽毛球場等等設施, 而且泳池,體育館,仲有各式各樣嘅運動康樂場地,都包圍住整個屋苑,令熱愛運動嘅住戶可以隨時起行,鍛練身心!

以上屋苑有冇你嘅心水?想了解更多,立即按此向在線客服查詢啦!

相關文章 :

【新蒲崗搵樓】嘉峰臺・瓊山苑・鑽嶺・年輕置業夢成真... 好多人話樓價高,資金限制左年青人嘅上車夢,我就話,好多優質筍盤其實隱藏各區各地。嚟到新蒲崗呢度,就有三個上車屋苑,睇下有冇機會一圓你嘅置業夢...
【黃大仙搵樓】黃大仙上車屋苑逐格睇... 作為年青人,想獨立出嚟社會生活,置業自然係首要目標!無論買樓定租樓,手頭資金又未必夠,唔通夢想生活,真係海市蜃樓?...
【將軍澳搵樓】寶盈花園・唐明苑・康盛花園・優越上車新地帶... 今年將軍澳樓盤交投活躍,當中唔少都係年輕嘅上車戶。到底呢一個地方,有啲咩咁吸引佢哋?難道……呢度上車真係特別有着數?...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
分享: