【啟德搵樓】啟德1號2期・嘉匯・龍譽・愛上寵物屋苑的理由

我哋生性活潑,最愛放電,無得玩我好悶架!佢咁錫我哋,搵屋唔會唔理我感受嚇嘛?放心啦,今日我就介紹三個寵物屋苑俾你地,你地返去記得同主人推介一下!

由2019年開始,啟德成為咗唔少毛孩嘅聚腳點,因為政府將啟德跑道公園試推做「寵物共享公園」。啟德跑道公園屬於九龍區最大嘅寵物公園,最大特色,就係有一大片空曠嘅草地,任你嘅主子放電。而你亦可以欣賞下周圍嘅海景!涼風日和,悠然自得咁,渡過同寵物相處嘅時間。

想同你個主子一齊搬到附近住?依家就介紹三個特色屋苑俾你啦!

第一個介紹嘅係啟德嘅新晉豪宅-啟德1號2期。位於沐寧街8號嘅啟德1號2期,屬於政府港人港地嘅項目,2017年正式入伙,發展商係中國海外。屋苑有不同嘅高低座數,共分9座物業,提供624個單位,面積由375至2414呎不等。房戶開則由1房至4房都有,高座單位五梯十戶,而且樓底高達3米,底座就以4房特色單位為主,適合寵物成群嘅主人。交通方面,屋苑最吸引人嘅地方,莫過於港鐵啟德站就喺正隔離,平時無論返工返學,甚至搭地鐵過去郵輪碼頭同寵物散步都非常方便。

第二個要介紹嘅就係啟德1號旁邊嘅嘉匯。位於沐寧街7號嘅嘉匯, 2018年正式入伙,發展商屬於嘉華國際。屋苑由8座物業組成,包括四幢樓高34層嘅高座,同四幢樓高6層嘅特色低座,合共提供約900個單位,實用面積介乎325呎至2193呎。整個屋苑以低密度發展,主打一至兩房單位,佔整個屋苑嘅7成,亦因此受到唔少上車客嘅關注。交通方面,受惠於港鐵啟德站,無論過海定係前往高鐵站都同樣方便。如果想尋找巴士路線嘅,可以行大約5-10分鐘,前往鄰近嘅啟晴村,或者新蒲崗譽・港灣附近!各處都有多條巴士、小巴線,貫通港九新界,非常全面。

而第三個單位,就係同樣都係啟德發展區嘅屋苑-龍譽。位於沐寧街9號嘅龍譽,2019年正式入伙,屬於啟德發展區嘅核心項目之一。屋苑一共有六座,由4幢樓高34層,以及2幢樓高6層嘅物業組成。 實用面積由228呎至2703呎,總共930個單位。屋苑約六成半以上的單位為一至兩房設計,而大部份單位都有露台以及工作平台。低座嘅兩幢物業,就以複式單位為主,設有私人花園,平台等等,為住戶提供較高嘅私隱度。交通同樣都係以啟德站同附近嘅巴士路線為主,如果住戶想購物嘅話,可以行去附近譽・港灣嘅Mikiki,呢個商場容許中大型狗隻戴住口罩落地,非常難得!而隔離嘅晴朗商場,都可以滿足到各種生活要求。

隨着啟德發展項目建設,各類嘅大型商場,主題公園就會相繼落成,啟德發展區將會成為九龍區嘅另一個商住核心。

想了解更多關於以上屋苑嘅資訊,立即按此向客服查詢!

相關文章 :

【新蒲崗搵樓】星河明居・峻弦・譽・港灣・換樓新晉地... 換樓人士,心水之選總係多不勝數。面對呢個苦惱嘅問題,我地美聯自然會幫你排解疑慮,提供更多盤源俾你選擇。...
【康城搵樓】首都・領都・領峯・優質配套的寵物天堂... 唔少寵物主人買樓嘅時候,都會諗埋寵物嘅需要,生活空間夠唔夠大呀,附近有冇地方俾佢散步呀…… 唔使擔心,我哋即將帶你去遊區各地嘅寵物屋苑,而今...
【新蒲崗搵樓】嘉峰臺・瓊山苑・鑽嶺・年輕置業夢成真... 好多人話樓價高,資金限制左年青人嘅上車夢,我就話,好多優質筍盤其實隱藏各區各地。嚟到新蒲崗呢度,就有三個上車屋苑,睇下有冇機會一圓你嘅置業夢...
【將軍澳搵樓】喵?汪!盤點 3 個為主子而設的將軍澳屋苑... 參見咁多位汪大人、喵大人,奴才有要事稟報!根據奴才調查所得,現時只有約 4 成屋苑可飼養寵物,對於全港接近 25 萬有飼養貓或狗的住戶來說,...
【觀塘搵樓】曉麗苑・順緻苑・Peninsula East・寧靜雅緻的小綠洲... 環境清幽嘅屋苑,對於一啲喜愛舒適寧靜嘅業主來講,絕對係理想嘅選擇。除咗新界、西貢之外,鬧市當中會唔會都有呢啲屋苑存在?...
分享: