【將軍澳南搵樓】SAVANNAH・THE PARKSIDE・藍塘傲・碧海藍天人寵同樂

碧海藍天,係唔少養寵物人士嘅心水居住地方,而且附近最好有齊支援寵物嘅設施,就更加係求之不得。香港呢個地方,邊度先有呢類得意嘅靚盤?去到將軍澳就有啦!

將軍澳南最吸引寵物主人挑選周圍定居地嘅原因,無非都係因為呢度環境清幽,仲有香港數一數二嘅大型寵物公園-環保大道寵物公園。公園佔地超過4000平方呎,仲分咗大寵物同小寵物嘅活動區域,而當中草地區域豐富,無論寵物想點跑都無拘無束,而且公園場地設施多元化,仲擁有寵物沖洗間,寵物公園來講相當罕有。

如果想住喺呢度,從公園望過去就已經見到我哋第一個要介紹嘅屋苑—SAVANNAH。由會德豐發展嘅SAVANNAH,共分八座分層樓宇,以及五座獨立屋組成。整個屋苑提供804個單位,以單位面積相當多元化,分層單位由近300呎至1900幾呎不等,提供開放式至四房式單位,主打項目係兩房單位。另外五座獨立屋,面積就大約係1900百幾呎左右,全部都係4房單位,仲有4-500呎嘅獨立花園。所以上車客到中產家庭,都好容易喺度搵到自己嘅心水單位。

屋苑步時步行大約6-8分鐘就到將軍澳站,非常方便。除咗基座商場之外,SAVANNAH同附近幾個大型商場亦非常接近,好似Popwalk,Popcorn,將軍澳廣場等等。

SAVANNAH旁邊嘅THE PARKSIDE,亦係一個心水之選。同樣由會德豐發展嘅THE PARKSIDE,喺2015入伙,屋苑由5座物業組成,共有591個單位。THE PARKSIDE提供1房至4房單位,亦設13個特色單位,當中一房同兩房嘅數量佔整個屋苑一半,屬於主打項目。而屋苑亦擁有約30,000呎嘅住客會所,提供室內外泳池,健身室同埋運動場等等嘅設施。屋苑配套同SAVANNAH一樣方便,同樣都相距將軍澳站幾分鐘路程,亦擁有大量嘅商場包圍。

作為寵物主人,住喺將軍澳仲一個好處,就係現時將軍澳廣場同埋將軍澳中心,以致旁邊嘅popwalk,就已經有齊曬寵物用品店,以及寵物醫院。所以唔單止日常所需,連寵物所需都可以完美照顧到。

如果閣下想搵海景單位,藍塘傲就不容錯過,由屋苑個名已經可以諗到,藍塘傲正正就係面向藍塘海峽。呢度七成單位都擁有無敵海景,係屋苑最吸引嘅地方,屋苑有七座分層樓宇,以及23座獨立屋組成,提供605個單位。分層物業樓高12至18層,兩梯2至10伙,面積介乎368-1800幾呎,開則有1房至4房單位,大部份單位設有露台。而23座獨立屋樓高五至六層,面積介乎2200幾至3700幾呎不等,分為3房至4房單位。

除咗大型住客會所之外,屋苑亦自設100,000呎嘅商場,飲食消閑應有盡有!住戶亦可以去到POPwalk,popcorn等等大型地標商場,寵物同主人嘅需要都充分照顧得到。交通方面,屋苑距離將軍澳站大約6至8分鐘嘅路程!地面交通亦非常豐富,多條巴士線同小巴線前往鄰近區域以及港九各地。

如想了解多啲關於以上屋苑嘅資訊?歡迎向我們的在線客服查詢!

相關文章 :

【沙田搵樓】駿景園.欣廷軒.翠華花園.沙田.多元享受生活屋苑... 人生不同階段都有各自追求,買樓亦都係一樣!不過,對生活嘅享受,每個階段都唔可以輕易錯過。...
【屯門搵樓】澤豐花園.翠林花園.景峰花園.三大靚則「花園」全面睇... 好多追求單位實用靚間隔嘅人士,都特別鍾情於居屋盤,而屯門就有唔少靚則居屋,設計格局甚至同私樓有得揮。...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
【屯門搵樓】錦華花園.康德花園.盈豐園.鐵路屋苑潛力選... 十幾年前,屯門交通仲未係咁方便,令到唔少買家因而卻步。今時今日,西鐵、輕鐵貫通新界區,九龍入新界,隨時快過過海 所以今集就帶大家一齊睇嚇,屯...
分享: