【將軍澳搵樓】君傲灣・天晉IIIA・緻藍天・重點校網靚盤大檢閱

今年將軍澳樓盤火熱,唔少家庭都認為將軍澳係上車或者係換樓嘅好地方,但係除咗居住環境之外,校網亦都係唔少家長其中一樣選「宅」煩惱。如果閣下又想喺將軍澳置業,又想了解嚇子女將來嘅升學前途,咁跟住落嚟嘅資訊就唔好錯過啦。

將軍澳區嘅小學校網統一都係95校網,95校網現時有22間小學,當中有幾間師資優良,相對受歡迎,好似將軍澳天主教小學、將軍澳循道衞理小學,東華三院王余家潔紀念小學。中學方面屬於西貢區,區內嘅名校包括有宣道會宣基中學,將軍澳官立中學,迦密主恩中學,亦係區內名校,所以將軍澳站上蓋嘅君傲灣,一直都係家庭用戶嘅搶手盤。

君傲灣由三座大廈組成,樓高57層,提供接近1500個單位。屋苑主打係兩房嘅標準家庭單位,而且戶戶有露台,適合3-4人家庭嘅用戶,不過講到最吸引嘅地方,當然就係一落樓下就到將軍澳站。如果返學地點喺左近,一,兩個站就已經到達,就算子女將來要跨區返學,過海或者去九龍都非常方便。屋苑附近亦有將軍澳體育館同埋公園,方便假日父母帶子女去附近休閒取樂。

而對面街口嘅天晉IIIA,亦係一個好選擇。屋苑由4座大廈組成,合共960伙,單位開則有1房至3房,適合不同結構嘅家庭需要。而小朋友返學最緊張交通,屋苑距離以將軍澳站只有幾分鐘,仲有有蓋天橋連椄,大人細路都唔使擔心日晒雨淋。而日常生活消閒方面,屋苑設有大型會所,好多設施都適合一家大細活動。而附近亦有多個大型商場,好似Popcorn,將軍澳中心等等,由生活用品以至消閑娛樂亦統統齊備。如果家長想搵國際學校,將軍澳絕對係一個好地方。現時區內有三間著名嘅國際學校,包括︰法國學校,香港思貝禮國際學校,同埋英育德學校,據講唔少名人嘅子女都喺裏面入讀,而且升學配套亦非常充足,子女起跑線就自然走得更前。

如果你手頭資金比較充裕,想選擇一啲更大嘅單位,日出康城嘅緻藍天同埋天晉IIIA期,亦適合你 先介紹日出康城站上蓋嘅緻藍天。屋苑由8座組成,提供1600多個單位,長期都受家庭用戶追捧 因為單位開則主打3-4房戶,同時,亦提供罕見4房雙套,適合多人家庭居住。緻藍天景觀開揚,物業以單邊設計,令住戶可以飽覽鯉魚門,將軍澳公園等等優質靚景,而且屋苑樓下就係康城站,搭車出九龍同埋港島區都非常方便。

今次嘅介紹就差唔多,係咪有興趣想再知多啲?立即按此向客服查詢!

相關文章 :

【將軍澳搵樓】緻藍天・峻瀅・君傲灣・港鐵屋苑多面睇... 港鐵路線貫通香港,係大多數人返工返學嘅必然選擇。所以有港鐵站加持嘅屋苑,往往都係買樓人士嘅熱門之選。今次嚟到將軍澳另一邊,睇下呢度有邊啲好盤...
【直播節目】1個元朗3個校網?選校搵樓防伏錦囊﹗|特別嘉賓:曾廣豪... 1個元朗3個校網 !元朗幅員廣闊, 校網劃分得相當複雜! 想避開U形擲界位?...
【紅磡搵樓】環海東岸・海逸豪園・黃埔新邨・35校網選「宅」... 生兒育女,望子成龍,係好多父母內心嘅願望 。想要嬴在起跑線,又想學習站在最前線,好多人都知唔係咁容易。 好似九龍城名校網人人都想入,但係附近...
【將軍澳搵樓】天晉II・天晉IIIB・海天晉・換樓大戶臨海美景... 想換樓,自然希望屋企嘅周邊環境配套設施更上一層樓,但係我相信你內心都有疑問:邊啲先至係換樓好選擇?=...
【將軍澳搵樓】天晉・將軍澳中心・蔚藍灣畔・優質港鐵生活網... 港鐵四通八達,係香港人返工、返學、出門嘅首選交通工具,所以如果住嘅地方鄰近港鐵站,肯定大大加分...
分享: