【將軍澳搵樓】寶盈花園・唐明苑・康盛花園・優越上車新地帶

今年將軍澳樓盤交投活躍,當中唔少都係年輕嘅上車戶。到底呢一個地方,有啲咩咁吸引佢哋?難道……呢度上車真係特別有着數?就等我帶大家一齊去睇嚇啦。

第一個帶大家參觀嘅,就係寶盈花園,屬於私人參建居屋,亦係全港首個智能居屋。除咗每戶都有光纖入戶之外,仲有屋苑自設嘅內聯網,可以同管理處溝通,仲可以book場等等,非常方便。屋苑由八座物業,合共3200個單位組成,主打兩至三房上車間隔,設計實用四正。寶盈花園有自設商場同埋停車場,仲有室外泳池,燒烤場、羽毛球場等等設施,無論環境佈局都近似私人屋苑。生活方面都好適合年輕人,因為周圍有多個大型商場同購物中心俾大家shopping,而5分鐘距離就到將軍澳站,附近寶邑路一帶交通亦非常發達,出行方便又多選擇。

其實將軍澳站附近,亦有一個深受歡迎嘅居屋樓盤,就係唐明苑啦。1999年落成嘅唐明苑,採用和諧式設計,只有三座物業,不過每楝樓高40層,單位都有成1900幾伙。由於屋苑喺鄭Popcorn同將軍澳中心隔離,購物消閒全方位齊備,加上行幾步就到將軍澳站,附近又有巴士總站,搭車方便又簡單,就算玩夜左返屋企都唔使擔心。

不過以上兩個盤源,都係處於將軍澳站隔離,非常搶手,如果行遠少少去到寶琳北的話,康盛花園亦都係一個上車嘅熱門自選。位於寶林北路1號嘅康盛花園,有五座物業,單位總數為1800有五座物業,單位總數為1850伙,呎數由400幾至600幾呎左右,呢度個單位主攻2-3房戶,出名四正實用。

如果你係喜愛寧靜嘅人士,呢度四周鳥語花香,群山翠綠,舒適嘅環境令人忘卻煩惱,而且屋苑亦都有私人泳池,無論跑步定係游水,都非常舒服。康盛花園附近有小巴直達寶琳站,而且要有數條巴士線穿梭港九,仲有專線前往西貢。生活方面,翠林邨嘅翠林新城係其中一個選擇,而且坐車大約10分鐘就可以去到新都城中心同埋寶琳商場等等一帶,無論飲食出行都非常之多元化,絕對唔會悶親呢度嘅住戶。

如想了解多啲關於以上屋苑嘅資訊?立即按此向客服查詢!

相關文章 :

【將軍澳搵樓】疊翠軒,英明苑,Monterey・實用配套一流景觀... 好多年前,啱啱發展嘅將軍澳,被視為偏遠嘅新市鎮。今時今日,呢度交通方便靈活,發展成熟,而且入場門檻彈性大,受到唔少年輕買家首次上車嘅熱點!...
【將軍澳南搵樓】SAVANNAH・THE PARKSIDE・藍塘傲・碧海藍天人寵同樂... 碧海藍天,係唔少養寵物人士嘅心水居住地方,而且附近最好有齊支援寵物嘅設施,就更加係求之不得。香港呢個地方,邊度先有呢類得意嘅靚盤?去到將軍澳...
【將軍澳搵樓】喵?汪!盤點 3 個為主子而設的將軍澳屋苑... 參見咁多位汪大人、喵大人,奴才有要事稟報!根據奴才調查所得,現時只有約 4 成屋苑可飼養寵物,對於全港接近 25 萬有飼養貓或狗的住戶來說,...
【馬鞍山搵樓】天宇海.曉峯灣畔.嵐岸.換樓新熱點... 近年唔少換樓客聚焦馬鞍山,全因馬鐵通車之後,呢度嘅靚盤漸漸受到大眾注目!無敵海景,背山面海,成熟嘅配套發展,靜中帶旺嘅社區模式,係唔少換樓人...
【藍田搵樓】鯉安苑.康華苑.康栢苑.返工生活娛樂一站式... 有唔少年青人選擇藍田屋苑上車,全因為呢度性價比高!除咗樓價彈性大之外,亦有唔少居屋屋苑適合年輕人置業。如果想選擇喺藍田搵樓嘅少年的你,呢度又...
分享: