【將軍澳搵樓】維景灣畔・都會駅・彩明苑・旺中帶靜暢遊身心

一個健康舒適嘅地區,無論對身心都好有幫助,所以唔少屋苑都以健康同埋優質生活等等做主題。 擁有呢啲元素嘅屋苑,喺邊度可以搵到 ?今次就帶大家去到將軍澳尋寶啦 !

調景嶺站側邊嘅維景灣畔,一向深受用戶喜愛 。作為調景嶺站第一個發展嘅私人屋苑,維景灣畔分開三期發展,由15座大廈組成,加埋超過5700個單位 ,物業提供多種不同戶型,由一房至到三房連套房都有,適合各種需求嘅住戶 。維景灣畔景緻開揚,背山面海,環境清幽,令人身心舒暢 。如果鍾意運動嘅住戶,可以沿着屋苑跑到去附近嘅將軍澳海濱公園,呢條擁有海濱美景嘅公園,都係香港出名靚景嘅緩跑線路之一。 屋苑會所亦提供各種康體設施供住戶使用,令你有更多選擇 。平時生活方面,維景灣畔有自設嘅商場,如果想多啲選擇,就可以行行人天橋去到隔離嘅都會駅shopping 。最主要就係港鐵調景嶺站,喺正屋苑隔離,附近仲有交通交匯處提供多條巴士線路,令到呢一個自成一角嘅世外桃源,緊密連接港九各區。

行到調景嶺站當然要介紹嚇佢嘅上蓋屋苑-都會駅 。屋苑分兩期發展,一期叫做都會駅,第二期叫做城中駅,合共九座,提供近3800個單位 。屋苑主打三至四房嘅大型間隔,亦有三成兩房間隔可供選擇 。喜愛運動同生活健康嘅人士,屋苑提供大型嘅住客會所,基本嘅康體設施好似泳池、健身室、球場都非常齊備 。而且無論鍾意踩單車定跑步嘅人,可以沿着將軍澳南海濱長廊一路去到日出康城,呢度有跑步徑同埋單車徑,就算食完飯嚟散步都一樣舒適 。交通方面,主要工具一定係調景嶺站,無論過海定係去九龍,都係幾分鐘嘅事,而且頭站出車,搵位就更加從容不迫啦。

調景嶺站附近亦有大型嘅居屋樓盤,就係彩明苑啦。彩明苑,係一個居屋同公屋混合嘅屋苑,有六座大廈屬於居屋部份,提供1920個單位 。居屋一向主打兩至三房單位,但係彩明苑罕有地有埋三房連套房設計,非常難得。 鍾意運動嘅朋友就非常之開心啦,除咗之前提及嘅海濱長廊方便跑步同踩單車嘅人士之外 ,區內嘅大型體育館-調景嶺體育館,就係正隔離 。交通方面,距離旁邊調景嶺港鐵站亦都只係5-10分鐘嘅距離。而屋苑本身亦有自己嘅巴士站,附近仲有自己屋苑嘅商場同街市,有齊日常生活所需 。

如果想知道更多關於上述屋苑嘅資訊,立即按此向客服查詢!

相關文章 :

【將軍澳搵樓】寶盈花園・唐明苑・康盛花園・優越上車新地帶... 今年將軍澳樓盤交投活躍,當中唔少都係年輕嘅上車戶。到底呢一個地方,有啲咩咁吸引佢哋?難道……呢度上車真係特別有着數?...
【將軍澳南搵樓】SAVANNAH・THE PARKSIDE・藍塘傲・碧海藍天人寵同樂... 碧海藍天,係唔少養寵物人士嘅心水居住地方,而且附近最好有齊支援寵物嘅設施,就更加係求之不得。香港呢個地方,邊度先有呢類得意嘅靚盤?去到將軍澳...
【將軍澳搵樓】新寶城・東港城・將軍澳廣場・雅緻靚則實用優厚... 身邊唔少朋友,成日都會趁假日睇樓,除咗睇價錢之外,唔少朋友都好着重間隔設計,實用比率。不如一齊去到將軍澳附近望一望,睇嚇有邊啲靚間隔嘅樓盤?...
【坑口搵樓】煜明苑・安寧花園・廣明苑・交通與地利上車優秀選... 如果年輕人要上車搵樓,肯定聽過唔少人介紹將軍澳。由寶琳一帶直到坑口,其實都有唔少潛力上車盤。今次,我地要帶大家去到坑口附近一帶,睇下啲潛力盤...
【將軍澳搵樓】喵?汪!盤點 3 個為主子而設的將軍澳屋苑... 參見咁多位汪大人、喵大人,奴才有要事稟報!根據奴才調查所得,現時只有約 4 成屋苑可飼養寵物,對於全港接近 25 萬有飼養貓或狗的住戶來說,...
分享: