【屯門搵樓】大興花園.新屯門中心.兆隆苑.年青上車盤.屯門三大精選

屯門區,樓價門檻低,屋苑質素普遍高,以上種種成為唔少上車人士嘅睇樓第一站。今集,我地就一齊睇下三個屯門不同地段嘅上車屋苑,有冇邊個啱你心水!

三大精選,一嚟先介紹屯門單幢細價屋-兆隆苑兆隆苑屬於Y型設計嘅居屋,只有一幢物業,樓高34層,單位總數係612伙。呢度單位實用率高,加上Y型設計單位冇既定間隔,住戶可以隨心所欲咁樣間做兩房、三房等等都得。屋苑特別適合精打細算嘅年輕人,樓下就有齊超市同食肆,如果想多啲選擇,去到良景商場就有更多特色俾你揀。平日住戶去到良景輕鐵站,都只係行幾分鐘,如果駁車去到西鐵站,出尖東都只係半個鐘頭內嘅事。而且屋苑樓下有多條巴士線,唔少地區都有線路直達架!

第二個精選,就係呢區嘅上車熱盤-大興花園。屋苑分兩期發展,合共15座,單位總數3647伙,屋苑提供兩至三房單位,主打兩房戶,面積介乎於300幾至500幾呎。呢度吸引上車客嘅第二個地方,就係有埋私人會所,網球場、壁球室、仲有兩個獨立泳池,咁多優點,難怪成為一眾上車新鮮人嘅至愛。生活方面,屋苑嘅基座都各有不同嘅民生店舖,例如超市、便利店、零售店、同埋餐廳食肆,生活不假外求。交通方面,屋苑有五條固定嘅村巴線,穿梭紅磡、灣仔、同埋火炭,去到旁邊嘅輕鐵石排站,或者坐四周嘅巴士同小巴前往市中心,出行十分方便。

第三個精選,就係區內嘅大型上車盤,新屯門中心新屯門中心由10個物業組成,提供約3500伙。屋苑主打兩至三房戶,內籠四正實用,周圍並無高樓大廈阻擋,所以唔少單位都擁有開揚景觀。屋苑亦擁有私人會所,泳池、健身室,各類康體設施基本齊備。而屋苑基座擁有自家嘅停車場,亦有兩層商場,提共超市、百貨、食肆等等店鋪。行去附近龍門居,裏面亦有大量嘅生活小店可以比大家發掘。屋苑旁邊有輕鐵站,附近亦有多條前往港九新界以及機場嘅巴士小巴路線,交通選擇非常多。

想了解多啲關於以上屋苑嘅資訊?歡迎向我們的在線客服查詢!

相關文章 :

【屯門搵樓】錦華花園.康德花園.盈豐園.鐵路屋苑潛力選... 十幾年前,屯門交通仲未係咁方便,令到唔少買家因而卻步。今時今日,西鐵、輕鐵貫通新界區,九龍入新界,隨時快過過海 所以今集就帶大家一齊睇嚇,屯...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【屯門搵樓】澤豐花園.翠林花園.景峰花園.三大靚則「花園」全面睇... 好多追求單位實用靚間隔嘅人士,都特別鍾情於居屋盤,而屯門就有唔少靚則居屋,設計格局甚至同私樓有得揮。...
分享: