【屯門搵樓】新圍苑.良景村.兆軒苑.屯門首置不求人.居屋公屋大搜查

如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡迎嘅靚屋苑俾大家?

良景邨位於屯門區嘅西北邊,倚靠青山,空氣清新,環境怡人。屋苑位於田景路31號,由八座樓宇組成,提供超過6800個單位。受惠於租置計劃,吸引唔少喺村內嘅上車客睇準機會!而且公屋格局一向以實用為主,作為上車第一站更加係穩陣之選。加上生活方便,良景邨有自設四層商場,佔地超過170,000平方呎,2012年翻身之後,商店種類更新更多。良景街市已經改名成為良景市集,裏面乾淨企理,飲食種類選擇多元化。而且屋苑旁邊就係良景站,出市中心,或者去西鐵都係幾個站內就到。而且村內亦有巴士總站,提供多條往返港九新界嘅巴士路線。

如果你鍾意呢度,但又未能夠受惠於租置計劃?唔使擔心,隔離就有居屋-新圍苑。位於田景路23號嘅新圍苑,由六座新十型大樓組成,擁有約2100個單位。呢度樓高35層,一梯十伙,提供2-3房單位,面積介乎四百幾至六百幾呎,實用率接近八成。日常生活,由於新圍苑距離良景邨非常近,購物飲食幾邨內商場同街市為主!想多啲選擇,可以去到屯門市中心,V city等等一帶嘅商場。交通方面,屋苑旁邊就有新圍站,直達西鐵站方便迅速。

第三個要介紹嘅,同樣都係居屋屋苑兆軒苑兆軒苑喺屯門建生村旁邊,由兩座物業組成,單位總數超過1200伙。單位實用率達七成半,提供兩至三房選擇,面積介乎於三百幾至五百幾呎之間,大廳大窗,舒適開場。生活方面,屋苑比幾個社區商場包圍,例如建生邨嘅建生商場,仲有寶怡商場,盈豐商場,集合社區裏面大部份日常百貨、食肆超市等等嘅店舖,完全滿足生活要求。同埋交通方面,兆軒苑坐落喺輕鐵建生站旁邊,坐兩個站就到西鐵兆康站。而且屋苑附近嘅巴士路線非常充足,出入港九主要地方,返工返學話都冇咁易。

如想了解多啲關於以上屋苑嘅資訊?歡迎向我們的在線客服查詢!

相關文章 :

【屯門搵樓】兆山苑.富健花園.啟豐園.屯門河畔上車寶地... 屯門,相信係唔少年青人上車嘅第一個搜尋地點!全因為呢區嘅樓價門檻較低,令到唔少置業人士前來尋寶。我哋今集,就聚焦喺屯門河同蝴蝶灣一帶嘅上車靚...
【屯門搵樓】澤豐花園.翠林花園.景峰花園.三大靚則「花園」全面睇... 好多追求單位實用靚間隔嘅人士,都特別鍾情於居屋盤,而屯門就有唔少靚則居屋,設計格局甚至同私樓有得揮。...
【屯門搵樓】錦華花園.康德花園.盈豐園.鐵路屋苑潛力選... 十幾年前,屯門交通仲未係咁方便,令到唔少買家因而卻步。今時今日,西鐵、輕鐵貫通新界區,九龍入新界,隨時快過過海 所以今集就帶大家一齊睇嚇,屯...
【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
分享: