【屯門搵樓】邁亞美海灣.南浪海灣.卓爾居.屯門靚景實惠私樓之選

 

香港地靚景單位難求,如果屬於優質私樓,價錢更加不菲。想以較相宜的價格居住靚景私樓,屯門區都有不少選擇。

位於屯門碼頭旁的邁亞美海灣,臨海而建,環境優美,屋苑6座大廈呈波浪型排列,大部分單位可享開揚景觀。屋苑有1272個單位,主攻兩房戶型,用上車價住海景單位並非天荒夜譚。另外約兩成單位屬三房間隔,設有露台,有全海景觀,追求優質生活人士最適合不過。

屋苑設有停車場、平台花園及雙住客會所,樓下是海濱公園,行去屯門碼頭已經有巴士站及輕鐵站到屯門及港九各地,亦可以搭船去東涌及澳門。政府正計劃興建西鐵屯門南延線,亦將興建由屯門至赤鱲角的連接路,15分鐘可到機場,未來交通將更便利。

邁亞美海灣樓齡較舊,而且冇商場,鍾意購物的朋友,可留意位於石頭排徑的卓爾居。屋苑地理位置優越,沿屯門河步行約10分鐘可到達屯門西鐵站及大型商場V-City,屯門河對岸就係屯門新墟,有齊各式民生商舖及食肆,行過少少就係屯門市廣場。唔想行咁遠,基座商場有四層高的商場,有超市及食肆,滿足生活所需。

屋苑由新鴻基發展,係區內指標屋苑之一,兩期合共6座大廈,有約1600個單位。單位樓底12呎高,設玻璃大窗,可以欣賞到屯門河景及遠山景。設施方面,設有400個車位的停車場,亦有豪華住客會所,集便利、生活享受於一身。

卓爾居差不多樓齡的仲有位於恆富街的南浪海灣,賣點係享有開揚景色,設有大窗戶,一邊望到屯門河景及遠山景,另一邊係避風塘及黃金海岸景色。屋苑共有5座約1264個單位,當中兩房佔七成半,呈鑽石廳設計,提高私隱度,三房單位就採用長廳設計,地方更加實用。

南浪海灣設有平台花園、住客會所及停車場,附近有嘉悅半島、海典軒、豐景園等私樓群,步行幾分鐘就到巴士及輕鐵站,附近有屯門泳池、友愛體育館及屯門中央廣場等設施,鍾意食海鮮的朋友,仲可以去附近三聖村食飯,可謂靜中帶旺。

還想了解更多屯門屋苑?立即按此查詢!

相關文章 :

【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【屯門搵樓】瓏門.星堤.卓爾居.屯門屋苑款式多變化... 自從西鐵開通後,入屯門同出港島區時間都係差不多, 加上呢區風景優美,靜中帶旺,而且樓價門檻低,立即吸引唔少換樓人士入嚟尋寶。 今次,我哋就帶...
【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
【屯門搵樓】兆山苑.富健花園.啟豐園.屯門河畔上車寶地... 屯門,相信係唔少年青人上車嘅第一個搜尋地點!全因為呢區嘅樓價門檻較低,令到唔少置業人士前來尋寶。我哋今集,就聚焦喺屯門河同蝴蝶灣一帶嘅上車靚...
分享: