【屯門搵樓】錦華花園.康德花園.盈豐園.鐵路屋苑潛力選

十幾年前,屯門交通仲未係咁方便,即使呢度唔少靚樓盤,都令到唔少買家因而卻步。今時今日,西鐵、輕鐵貫通新界區,九龍入新界,隨時快過過海 所以今集就帶大家一齊睇嚇,屯門有邊啲港鐵屋苑值得入手。

如果介紹港鐵屋苑,大部份嘅樓盤都只係表示鄰近港鐵。 不過去到新界區,我哋睇嘅就係輕鐵同港鐵嘅組合網絡!好似我哋第一個要介紹嘅盈豐園 盈豐園位於良德街9號,有兩座物業,約600個單位,提供兩至三房戶型,以兩房為主打,面積約360-510呎左右,屋苑有自設嘅停車場同埋商場,自設商場選擇繁多,而且鄰近建生邨,附近寶怡花園同埋建生邨,亦有更多購物選擇。

講到交通,盈豐園位於輕鐵站田景站同建生站之間,往返區內非常方便,而且坐輕鐵去到屯門西鐵站都只係8-10分鐘,樓下附近亦有唔少巴士站,提供港九同埋機場路線。

我哋慢慢靠住屯門西鐵站行過去,就見到第二個要介紹嘅康德花園 。石排頭路11號嘅康德花園,共有三座物業,708個單位,主打傳統嘅兩至三房間隔,面積大約有470幾至600幾呎左右,實用率達七成半。 屋苑有會所提供,基座有大量嘅民生商鋪,亦鄰近其他屋苑嘅廣場同食肆,足以補充日常需要。 樓下有唔少港九路線嘅巴士同小巴,呢度坐接駁巴士去屯門站,都只係5分鐘之內,由屯門站出尖沙咀,30分鐘左右就到。

跟住第三個介紹嘅屋苑,就係最近屯門站嘅屋苑-錦華花園。屋苑位於屯隆街1號,有兩座物業,一梯八伙,提供496個單位,統一都係兩房戶型! 相信唔少買家都會上網做功課,冇錯!呢個屋苑近乎冇負評!單位間隔實用,屋苑內外新淨,管理不俗,仲可以係屋企望到屯門河嘅美景,難怪近年一盤難求! 屋苑亦有平台花園,泳池,同埋兒童遊樂場。 生活方面,以V city為首嘅大型商場近在咫尺,附近亦有大量地舖、屋苑商場等等!行到樓下,先決定買乜都未遲。

講到交通,屋苑最出名嘅地方就係距離屯門站都只係2分鐘左右,無論返工返學,出門預時間都可以更有把握。樓下亦有輕鐵嘅杯渡站,方便往返區內,而且西鐵站旁邊亦有巴士總站,貫通港九新界。

如想了解多啲關於以上屋苑嘅資訊?歡迎向我們的在線客服查詢!

相關文章 :

【屯門搵樓】澤豐花園.翠林花園.景峰花園.三大靚房「花園」全面睇... 好多追求單位實用靚間隔嘅人士,都特別鍾情於居屋盤,而屯門就有唔少靚則居屋,設計格局甚至同私樓有得揮。...
【屯門搵樓】新圍苑.良景村.兆軒苑.屯門首置不求人.居屋公屋大搜查... 如果住喺屯門嘅朋友一定知道,田景、建生附近,唔少屋苑都係上車熱門。所以今集介紹一啲年青上車客嘅好盤源,又點可以唔唔介紹幾個性價比高,又大受歡...
【屯門搵樓】兆山苑.富健花園.啟豐園.屯門河畔上車寶地... 屯門,相信係唔少年青人上車嘅第一個搜尋地點!全因為呢區嘅樓價門檻較低,令到唔少置業人士前來尋寶。我哋今集,就聚焦喺屯門河同蝴蝶灣一帶嘅上車靚...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
分享: