【新蒲崗搵樓】星河明居・峻弦・譽・港灣・換樓新晉地

換樓人士,心水之選總係多不勝數。面對呢個苦惱嘅問題,我地美聯自然會幫你排解疑慮,提供更多盤源俾你選擇。今次我地就嚟到新蒲崗,了解下呢個混合於工業與住宅之間嘅地區,有乜嘢潛力換樓之選!

新蒲崗,可能俾人感覺係工商大廈林立。其實呢個已經係過時嘅想法!近年新蒲崗盤源不斷出現,其中唔少都係換樓之選。星河明居,就係其中一個皇牌換樓熱點。1998年正式入伙嘅星河明居,位於龍蟠街3號,起正鑽石山地鐵站上蓋,一眼就望到。整個屋苑一共分五座,樓高50層,約1,684個單位。除咗頂層有少量嘅複式單位之外,大部份單位都500至600呎左右。佢嘅一大賣點,就係屋苑統一「三房」間隔,難怪會成為好多升級換樓人士嘅心頭好。而且屋苑設有近10萬嘅私人會所同花園平台,絕對係鬧市當中嘅空中樓閣。屋苑平台下面,就係區內大型商場-荷里活廣場,各式商鋪應有盡有。地面就係鑽石山地鐵站同埋交通中心,方便程度可想而知。

如果換樓人士鍾意一啲比較生活安靜嘅地方,峻弦就係一個好地方。位於豐盛街51號嘅峻弦,沿飛鵝山腰建成,四周環抱翠綠,清幽雅緻。屋苑由5座物業組成,屬於中型規模,提供約723個單位。整個屋苑間隔相當多元化,開則由一房至四房連雙套房都有。面積大約由400至1,600呎,主打2-3房嘅大碼單位,絕對適合細屋搬大屋嘅換樓人士。而且屋苑有一個90,000呎嘅頂級會所,提供泳池,健身室、宴會廳,酒吧等等,吃喝玩樂一樣精彩。雖然附近交通並唔算豐富,但樓下亦有接駁小巴往來彩虹站,班次相當頻密,往來亦算方便。

住第三個壓軸介紹嘅,就係新蒲崗嘅地標屋苑︰譽・港灣啦。2010年入伙嘅譽港灣,由7座物業組成,合共1,159個單位 。單位間隔由1房至4房不等,頂層亦有少量複式單位,長年受到大量換樓客追捧。除咗必有嘅高級大型會所之外,交通優勢係譽・港灣嘅一大特色!首先鄰近啟德站約5分鐘路程,已經異常方便,日後屯馬線+沙中線集合一身「雙線發展」,勢必往來更加靈活。想搭巴士?呢度線路繁多,去港九新界都非常方便。另外一個賣點,就係屋苑坐擁大型商場Mikiki!由高級超市,以及潮流店鋪樣樣齊備,完全滿足生活所需!而且附近亦有好多不同嘅地道小食,隱世小店,方便你尋幽探秘。

今次嘅介紹就差唔多,係咪有興趣想再知多D?立即按此向在線客服查詢啦!

相關文章 :

【 馬鞍山搵樓】聽濤雅苑.銀湖·天峰.星漣海.新貴換樓潮流地... 自從馬鐵通車之後,馬鞍山成為唔少換樓客嘅必爭之地。呢度環境優美,背山面海,社區配套成熟,而且發展潛力巨大。今次要介紹嘅換樓熱點,絕對係唔少中...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【將軍澳搵樓】天晉II・天晉IIIB・海天晉・換樓大戶臨海美景... 想換樓,自然希望屋企嘅周邊環境配套設施更上一層樓,但係我相信你內心都有疑問:邊啲先至係換樓好選擇?=...
【啟德搵樓】啟德1號2期・嘉匯・龍譽・愛上寵物屋苑的理由... 我哋生性活潑,最愛放電,無得玩我好悶架!佢咁錫我哋,搵屋唔會唔理我感受嚇嘛?...
【新蒲崗搵樓】嘉峰臺・瓊山苑・鑽嶺・年輕置業夢成真... 好多人話樓價高,資金限制左年青人嘅上車夢,我就話,好多優質筍盤其實隱藏各區各地。嚟到新蒲崗呢度,就有三個上車屋苑,睇下有冇機會一圓你嘅置業夢...
分享: