【藍田搵樓】鯉安苑.康華苑.康栢苑.返工生活娛樂一站式

有唔少年青人選擇藍田屋苑上車,全因為呢度性價比高!除咗樓價彈性大之外,亦有唔少居屋屋苑適合年輕人置業。如果想選擇喺藍田搵樓嘅少年的你,呢度又有啲乜嘢好選擇?

座落喺藍田康栢苑,喺觀塘區內大型嘅居屋項目。7座物業提供超過2400個單位,主要提供兩至三房單位。由於屋苑位處嘅地勢較高,高層單位景觀亦係區內一絕。整個物業採用新十字型設計,單位實用率高,間隔四正,傢俬佈局都相當靈活!附近仲要環境清幽,空氣清新,單位通風舒爽。

屋苑附近有廣田商場,裏面有齊各種民生小店,便利店以至餐飲都有齊,為附近居民提供經濟實惠嘅選擇。
交通方面,屋苑以小巴同巴士為主,通往觀塘藍田油塘等等嘅小巴班次亦都非常頻密。

第二個要介紹嘅屋苑,就係藍田小半山地段嘅-康華苑。康華苑三座物業,提供接近1700個單位。由於屋苑七成都係一房間隔,其餘就係兩房單位,所以深受一啲喜愛寧靜環境嘅上車客。屋苑地勢高,令到住戶可以望到山景同埋遠海景,唔少望海嘅高層單位住戶表示,每年煙花活動都令人目不暇給。

生活方面,屋苑鄰近興田邨嘅商場,裏面有齊超市,酒樓,食肆,街市等等,生活基本無需煩惱。而且屋苑附近小巴同巴士班次都好頻密,仲設有機場巴士同通宵巴士站!要駁車落去觀塘、藍田亦都非常方便,去到觀塘同九龍灣,有更多嘅大型商場,例如德福廣場、APM等等,更多娛樂俾你揀。

如果講到工作,觀塘絕對係香港其中一個上班集中地,唔少喺附近工作嘅年輕人,更加希望可以搵到一個方便返工嘅地方上車,亦都令到鯉安苑成為年青人嘅首選。鄰近藍田站嘅鯉安苑,屬於康和式設計嘅居屋,六座物業擁有近1700個單位,雖然屋苑同樣都係主打典型二至三房設計,但呎數同間隔,就比同區居屋更實用見使。附近體育館泳池等等康樂設施齊備,而且5分鐘就可以行到去藍田站。如果喺觀塘區返工,行路定搭車都非常方便。如果想娛樂消遣,除咗屋苑附近嘅啟田商場之外,觀塘、九龍灣附近嘅大型商場,亦有好多選擇提供。

如想了解多啲關於以上屋苑嘅資訊?歡迎向我們的在線客服查詢!

相關文章 :

【屯門搵樓】大興花園.新屯門中心.兆隆苑.年青上車盤.屯門三大精選... 屯門區,樓價門檻低,屋苑質素普遍高,以上種種成為唔少上車人士嘅睇樓第一站。今集,我地就一齊睇下三個屯門不同地段嘅上車屋苑,有冇邊個啱你心水!...
【沙田搵樓】駿景園.欣廷軒.翠華花園.沙田.多元享受生活屋苑... 人生不同階段都有各自追求,買樓亦都係一樣!不過,對生活嘅享受,每個階段都唔可以輕易錯過。...
【屯門搵樓】澤豐花園.翠林花園.景峰花園.三大靚則「花園」全面睇... 好多追求單位實用靚間隔嘅人士,都特別鍾情於居屋盤,而屯門就有唔少靚則居屋,設計格局甚至同私樓有得揮。...
【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
分享: