【馬鞍山搵樓】錦豐苑.錦泰苑.錦英苑.錦繡置業新勢力

近年唔少年青人,將馬鞍山定位為首次置業嘅目標。自從馬鐵通車之後,馬鞍山唔少優質居屋逐漸出現喺大家眼前!沿海包圍,景色怡人,交通方便……種種優點有排都未數完,聽完都想睇下啦?

首先講嚇位於馬鞍山半山嘅錦英苑。屋苑由10座物業組成,約3500個單位!錦英苑靠山排成一字型,令每個方向嘅住戶都享有開闊嘅景觀。屋苑提供兩至三房間隔,平均面積大約400幾至600幾呎左右,實用率接近八成!由於呎價較市區相宜,所以即使三房大單位,亦都深受上車一族嘅歡迎。屋苑亦自設商場,超市、便利店、餐廳等等一應俱全。呢度距離馬鞍山站大約8至10分鐘,而且屋苑樓下就有巴士總站,唔少巴士路線直出港九區域。

第二個要介紹嘅,就係香港其中一個居屋王-錦豐苑。屋苑由9座物業組成,提供超過5500個單位,以兩至三房戶型為為主,面積大約400幾至600幾呎。錦豐苑臨海而建,位置屬於豪宅無敵海景地段,東邊遠望連綿山景,西面就係廣闊嘅吐露港海景。座擁豪宅景觀,但價錢親民!所以唔少上車客,都會視呢度,係其中一個黃金定居地!住戶平日可以去到樓下嘅海濱長廊散步做運動,又或者去馬鞍山公園紓展身心。屋苑鄰近有頌安商場,提供大超市、街市、食肆及各式民生店舖,平時仲有唔少流動特賣場俾住戶尋寶。交通方面,屋苑對出有多條巴士路線提供,亦鄰近馬鞍山站同恆安站,兩個站距離大約5-8分鐘,出入非常方便。

其實馬鞍山無敵海景嘅居屋並不只得一個,位處於馬鞍山南嘅錦泰苑,就係另一個優質嘅選擇。屬康和式設計嘅錦泰苑,由12座物業組成,超過3400個單位。由於屋苑樓層較高,邊相更多單位能夠擁有無敵海景!每日望住呢個無敵大靚景,同朋友講返,肯定恨死隔籬!錦泰商場係屋苑嘅自家商場,裏面有超市,食肆,便利店等等,仲喺附近幾個屋苑嘅主力購物熱點。交通方面,屋苑鄰近大水坑站,車站仲有專屬出口直達屋苑商場。如果想多啲選擇,可以坐馬鐵去到馬鞍山站,之前介紹過馬鞍山廣場購物圈,擁有大量嘅娛樂任你享受。

如想了解多啲關於以上屋苑嘅資訊?歡迎向我們的在線客服查詢!

相關文章 :

【馬鞍山搵樓】天宇海.曉峯灣畔.嵐岸.換樓新熱點... 近年唔少換樓客聚焦馬鞍山,全因馬鐵通車之後,呢度嘅靚盤漸漸受到大眾注目!無敵海景,背山面海,成熟嘅配套發展,靜中帶旺嘅社區模式,係唔少換樓人...
【 馬鞍山搵樓】聽濤雅苑.銀湖·天峰.星漣海.新貴換樓潮流地... 自從馬鐵通車之後,馬鞍山成為唔少換樓客嘅必爭之地。呢度環境優美,背山面海,社區配套成熟,而且發展潛力巨大。今次要介紹嘅換樓熱點,絕對係唔少中...
【馬鞍山搵樓】馬鞍山中心.雅典居.曉峰灣畔.海天一角.走進馬鞍山特色屋苑... 自從馬鐵通車之後,馬鞍山社區得到迅速發展。呢個社區寧靜雅緻,自成一角,係唔少追求生活享受人士夢寐以求嘅地方。今次一齊行嚇馬鞍山,睇嚇有邊啲令...
【沙田搵樓】美城苑.富嘉花園.雲疊花園.港鐵實用屋苑... 沙田區發展成熟度高,擁有優質交通配套!加埋屯馬線、沙中線三線加持,絕對係將來嘅交通重心。亦因為咁,咁多年來,好多屋苑都圍繞住沙田站進行發展。...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
分享: