【 馬鞍山搵樓】聽濤雅苑.銀湖·天峰.星漣海.新貴換樓潮流地

自從馬鐵通車之後,馬鞍山成為唔少換樓客嘅必爭之地。呢度環境優美,背山面海,社區配套成熟,而且發展潛力巨大。今次要介紹嘅換樓熱點,絕對係唔少中產人士嘅心頭好。

由長江實業發展,位於彩沙街1號星漣海,六座物業,提供454個單位,實用面積介乎738至1732呎,主打3-4房大單位。屋苑景觀優美,遠望海星灣、吐露港、白石角等等靚景,絕對可以話係山明水秀。交通方面,屋苑距離烏溪沙站大約10分鐘,樓下亦有小巴穿梭沙田市中心。烏溪沙站嘅巴士總站,亦提供大量巴士前往港九各區。日常購物方面,附近迎海同埋銀湖.天峰嘅商場,都可以提供大量優質生活所需。

不過既然行到銀湖.天峰商場,當然要順便介紹埋銀湖.天峰啦。作為烏溪沙站嘅上蓋物業,屋苑氣勢不凡,L型排開嘅設計,成為呢區最具代表性嘅地標屋苑之一。屋苑由七座物業組成,樓高60-69層,擁有2169個單位,而屋苑間隔有超過20種不同嘅戶型,平均樓底高達10尺,仲戶戶有露台添。呢度嘅會所以歐洲皇宮式設計,氣勢磅礡,總面積有成36萬平方呎,各類設施應有盡有,仲有三個宴會廳可以舉辦大型活動添。交通方面,主要就係基座嘅烏溪沙站同巴士總站,出入方便之餘,各區嘅路線亦相當齊備。而屋苑樓下嘅銀湖・天峰商場,生活百貨應有盡有,完全一站式生活享受。

如果閣下係海景迷,我哋搭馬鐵去到恆安站,就到即將介紹嘅第三個屋苑-聽濤雅苑。由長實發展嘅聽濤雅苑,分兩期發展,合共11座物業,提供2032個單位,屋苑主打三房大單位,有兩成單位屬於兩房間隔。由於屋苑臨海而建,所以沙田海同埋吐露港嘅海景完全毫無遮擋,而且樓價實惠,係唔少換樓人士嘅地區指標。平日住戶行落樓下,就已經直達海濱長廊,呢度散步、跑步、踩單車都非常舒服。屋苑旁邊亦有馬鞍山公園,如果家庭入面有小朋友,佢哋一定會非常開心。當然,屋苑嘅會所、平台花園亦都非常優質,絕對可以帶俾你滿足嘅享受。日常交通方面,屋苑距離恆安站大約3-5分鐘,係最主要嘅交通工具。屋苑亦有專車接駁去到馬鞍山廣場,方便住戶購物消閑,廣場下面亦有巴士總站,住戶想去邊,都非常方便!

想了解多啲關於以上屋苑嘅資訊?歡迎向我們的在線客服查詢!

相關文章 :

【馬鞍山搵樓】天宇海.曉峯灣畔.嵐岸.換樓新熱點... 近年唔少換樓客聚焦馬鞍山,全因馬鐵通車之後,呢度嘅靚盤漸漸受到大眾注目!無敵海景,背山面海,成熟嘅配套發展,靜中帶旺嘅社區模式,係唔少換樓人...
【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【馬鞍山搵樓】錦豐苑.錦泰苑.錦英苑.錦繡置業新勢力... 近年唔少年青人,將馬鞍山定位為首次置業嘅目標。自從馬鐵通車之後,馬鞍山唔少優質居屋逐漸出現喺大家眼前!沿海包圍,景色怡人,交通方便……種種優...
【馬鞍山搵樓】馬鞍山中心.雅典居.曉峰灣畔.海天一角.走進馬鞍山特色屋苑... 自從馬鐵通車之後,馬鞍山社區得到迅速發展。呢個社區寧靜雅緻,自成一角,係唔少追求生活享受人士夢寐以求嘅地方。今次一齊行嚇馬鞍山,睇嚇有邊啲令...
【屯門搵樓】大興花園.新屯門中心.兆隆苑.年青上車盤.屯門三大精選... 屯門區,樓價門檻低,屋苑質素普遍高,以上種種成為唔少上車人士嘅睇樓第一站。今集,我地就一齊睇下三個屯門不同地段嘅上車屋苑,有冇邊個啱你心水!...
分享: