【天水圍搵樓】嘉湖山莊.天盛苑.天頌苑.健康生活便利屋苑

坐擁香港後花園嘅天水圍區,一向都係愛寧靜同埋追求健康生活人士嘅聚居點。 如果你欣賞天水圍呢一點,並且打算喺度定居嘅話,咁樣今集介紹嘅內容,你就唔能夠錯過啦!

由長江實業發展嘅嘉湖山莊,屬於區內旗艦級屋苑, 58座物業,提供接近16,000個單位,以2-3房為主打,面積介乎四百幾至六百幾呎, 嘉湖山莊佔地達400萬平方呎,而當中近9成,即係360萬呎屬於綠化帶,比例全港最高! 而當中亦有天水圍公園,綠樹成蔭,鳥語花香,附近有大量體育場地,整體休閒空間可謂區內屋苑之冠。生活方面,嘉湖山莊有自設商場,佔地達66萬尺,生活娛樂全部齊備。 屋苑亦提供接駁巴士,接載每期嘅住戶前往天水圍站,都相當方便。

如果閣下鍾意呢度嘅環境,但又想搵啲性價比高啲嘅屋苑,旁邊嘅天頌苑,都係唔錯嘅選擇。屋苑15座物業座擁超過6000個單位,戶型變化多,由開放式至三房間隔都有,面積介乎400至600幾呎!雖然天水圍公園附近都有幾個屋苑,但係如果以居屋嚟計,最近始終都仲係天頌苑,而且規模之大,亦只係僅次嘉湖山莊。交通方面,由於天水圍建設嘅時候,輕鐵站差不多直達每一個屋苑,加上大馬路亦有唔少港九巴士經過,所以往來交通非常方便。

如果閣下想搵居屋,又係九晚五上班一族,咁就要介紹埋天盛苑 先講基本資料,天盛苑由17座物業組成,擁有接近6,600個單位,喺香港現時規模最大型嘅居屋屋苑。當中有13座屬於私人屋苑格局嘅康和式設計,有4座屬於公屋格局嘅和諧式設計, 雖然以地利比較,屋苑旁邊仲有一個天祐苑,不過由於佢得1800幾個單位,所以用放盤量計,天盛苑交投就顯得更易入手。 屋苑規模大,當中亦有自己嘅綠化園林,亦都算得上係清靜怡人,令到附近嘅住戶,都會羨慕佢哋擁有自己嘅私人休憩空間

樓下屋苑嘅天盛商場,喺區內嘅大型商場,旁邊仲有天耀商場,向上行多幾分鐘,又有嘉湖山莊嘅大型商場,選擇多元化。 加上呢度同天水圍站只係一街之隔,返工返學,出門上落都非常方便 今集介紹係咁多,仲想知多啲?立即按此查詢!

相關文章 :

【元朗搵樓】原築.御景園.蝶翠峰.低密度健康人生... 香港地小人多,屋苑樓盤起到密密麻麻。但係如果有人追求環境舒暢,自然係要向低密度發展 。如果你有呢個意向,元朗就啱曬你啦。...
【元朗搵樓】爾巒.RESIDENCE譽88.好順意大廈.間隔靚盤隱世之選... 元朗區嘅物業選擇總類繁多,由上車樓盤到豪宅洋房都有, 所以靚間隔嘅盤從來都唔缺乏,不過云云屋苑當中,有邊啲係精選?...
【東涌搵樓】中產屋苑生活新勢力 除咗鄰近機場及迪士尼,近年東涌已經成為一個發展成熟嘅社區,尤其因為交通發達,令唔少買樓人士嚮往。 今日我哋會聚焦介紹東涌屋苑,分析一下佢地嘅...
【嘉湖山莊】從基建「動」悉天水圍 嘉湖山莊為區內大型屋苑,房型選擇多,價錢比市區樓便宜,而且屋苑綠化範圍廣,空間較大,環境舒適......
【直播節目】新居屋抽得過?居屋vs私樓大比拼!|特別嘉賓:1% Anthony... 新一輪居屋進入申請程序,今次居屋2020稍為放寬申請資格,配額達4,500個,買居屋係咪真係無得輸?居屋vs私樓,按揭、轉名、轉讓方面有咩限...
分享: