【深井荃灣搵樓】碧堤半島.浪翠園.海韻花園.深井換樓靚盤之選

如果心思思想換樓,無非都係希望細屋換大屋,或者提升居住環境質素 如果目光望遠少少,荃灣周邊地區,例如深井附近,就有好多隱世靚盤其實一直等緊你!

深井有唔少食肆相當出名,不過其實佢嘅樓盤質素一啲都唔輸蝕,好似今日介紹呢個坐落喺食街旁邊嘅碧堤半島。 望見呢個咁靚嘅環境,就知道碧堤半島最大賣點,一定係青馬大橋相連嘅海天一色,無敵靚景!當中A座至D座嘅單位,海景比例更高,睇樓嘅時候記得留意啦。 屋苑有八座物業,超過3000個單位,以2-3房為主,三房單位全部都係套房設計,非常適合升級居住環境嘅用家。 屋苑會所設施多元化,風格類近黃金海岸嘅歐陸式情調,都令人眼前一亮 。交通方面,屋苑提供接駁車輛前往荃灣站,樓下青山公路嘅大街,巴士線路亦多。

如果你嘅預算未必有咁充足,唔使失望,旁邊嘅海韻花園亦都係一個性價比高嘅好選擇。 由長江發展嘅海韻花園,五座物業,合共1068伙。 海韻花園相比其他屋苑,最大特色就係全線都係供應三房連套房單位,約700-800幾呎,一層六伙, 客廳冇窗檯,居住密度低,空間感充足,對偏向實用嘅用家來講,擁有更大吸引力。 屋苑樓下有專線小巴,去荃灣站大概10分鐘,巴士路線同樣豐富。 雖然附近冇乜大型商場,但係勝在屋苑樓下有唔少嘅民生小店,超市,日常生活,自給自足絕對唔成問題。

不過如果閣下對海景嘅要求更高,想要更多選擇,咁樣就不如行入少少,睇嚇浪翠園。 浪翠園分五期發展,不過佢五期物業,由深井伸延去到青龍頭,令到唔同嘅樓盤,都擁有各自特色景觀, 加上屋苑沿着青山公路海邊而建,大多數單位都擁有180度無敵大海景,加上廳房都係落地大玻璃,絕對可以將靚景盡收眼底。 屋苑提供兩房至三房連套房單位,尤其第五期統一主打過千呎嘅三房單位,都係值得換樓客注意。 作為純住宅項目,屋苑私隱度高,連每期都有自己專屬嘅會所, 大型泳池,設施齊備嘅健身室不在話下,面對海景怡人,真係名副其實嘅嘆世界。 屋苑樓下交通路線都尚算充足,有小巴同巴士往返荃灣,大馬路亦有多條路線選擇。

想了解多啲關於以上屋苑嘅資訊?歡迎向我們的在線客服查詢!

 

 

相關文章 :

【荃灣】海濱神配套 這個地段你還不知道?... 住在荃灣,家中也可以享受到汀九橋的壯闊及海天一色,優美的避風塘海濱景緻加上成熟的社區配套,就是住在鬧市的同時,也住在了世外桃源。...
【海之戀‧愛炫美】無敵海景私樓 配套齊全... 荃灣西鐵站上蓋屋苑海之戀第二期項目愛炫美,是區內焦點新盤之一,盡顯地利優勢,接通鐵路網絡,四通八達。自住出入方便,投資亦具潛力,大部份單位景...
【元朗搵樓】原築.御景園.蝶翠峰.低密度健康人生... 香港地小人多,屋苑樓盤起到密密麻麻。但係如果有人追求環境舒暢,自然係要向低密度發展 。如果你有呢個意向,元朗就啱曬你啦。...
【荃灣搵樓】全‧城滙.柏傲灣.縉庭山.中產升級生活屋苑遊... 荃灣係一個充滿特色嘅地方,飲食娛樂,優質靚景,生活體驗,全部都包羅萬有,唔少中產家庭,都會選擇荃灣作為安居之地,唔知道以下三個屋苑,你有心水...
【大角咀搵樓】利奧坊.曉岸.奧城西岸.港灣豪庭.九龍核心地段 寵物起居樂園... 今次介紹給愛寵物人士的三個屋苑, 正正是九龍的旺區大角咀, 唔好以為傳統舊區欠缺寵物設施及相關配套, 其實大角咀有唔少公園及戶外空間, 絕對...
分享: