【1% Anthony】自住需要與投資需要

讀者來信

Anthony Sir你好!我今年30歲了,還未有計劃結婚生仔,身邊好多朋友都叫我買樓,其實我是跟家人住的,仲有自己的房間,根本就沒有自住需要,仍然需要留意樓市,需要計劃買樓嗎?

 

回覆讀者來信

即使沒有自住需要,也應該要及早買樓!

當你發現自己有需要的時候,已經太遲了!

你覺得現在沒需要,因為你仍然單身寡仔,可以跟家人同住。

甚麼時候有需要?絕大部份人都是因為…結婚生仔!

 

單身寡仔的時候,你可以選擇簡約的生活,可以玩斷捨離!

可以屈在一個幾十呎的房間,聽見老媽高呼「食飯啦!」才走出廳,筆者年青時何嘗不是這樣?如果自己搬出來住,以新式物業標準計算,300呎的一房單位已經足夠,甚至200呎的開放式單位,花點心思收納,勉強都住得落,即使市區樓,大概400~600萬就可以買到,最低1成首期,幾十萬就可以上車

【1% Anthony】自住需要與投資需要

然而結婚生仔之後呢?一個人的生活,變成三、四個人!

家裡雜物將會以幾何級數上升,難道你還可以屈在一個只有幾十呎的房間嗎?夠老婆放靚衫放靚包包?還是夠孩子放玩具?你的珍藏高達恐怕首當其衝,要放逐到迷你倉了,說再見吧!

如果想生活得安安樂樂…

你最少要一個兩房單位,大概都要450~500呎了,市區樓大概都要800萬以上了,現在有林鄭Plan還好,最少都要2成首期即是不到200萬就可以買到,以前要俾4成首期,仲慘!

如果要請工人姐姐的話,可能要三房,最細都要650~750呎,市區樓大概都要超過1000萬,首期要5成,大約6、700萬,對一個沒有資產的打工仔來說,簡直是不可能的任務!

 

如果有老爸老媽做白武士當然冇問題…

如果冇呢?…兩條出路!第一條出路是…將貨就價,買舊樓、買細單位,例如一家幾口,蝸居在一個300呎不到,勉強間到兩間房的細單位,忍受着雜物堆積如山,日日響屋企玩真人層層疊,至於工人姐姐…唔請住啦,邊有地方?自己洗碗洗地啦!第二條出路是放棄買樓,暫時租住先,將來儲到錢再買。問題是…你真係覺得自己儲到?真係得?家庭支出又多,仲要交租,仲可以儲到幾百萬首期?難道你一日返幾份工?好搏命嚇喎!最終咪又係租完一年又一年,下半世幫業主供樓了。

【1% Anthony】自住需要與投資需要

最好的方法,是及早上車,買一層能賺錢的樓。

幾年後賣出去,賺到第一桶金,然後再用這桶金做首期,買一個更大的單位,就是所謂樓換樓了。用資產去追資產,輕鬆得多!千萬不要奢望靠儲錢、靠加人工,可以快得過樓價升幅!

 

相關文章 :

【1% Anthony】讀者來信:財務自由要有目標... Anthony Sir你好!上星期我都有睇「我要做業主」,見到你們的戰友只有35歲就已經財務自由了,很羨慕啊!現在樓價咁貴,如果想好似她一樣...
【樓市蔣門人 Lucy】樓市危中必有機 想買樓上車,又或者投資樓市的朋友,總是想在樓市最低的時候入貨,最高的時候離場,以賺取最多的利潤。現時,正是樓市下行的好時機。...
【何文田】劉德華、陳慧琳的鄰居賣房子了!... ​本期又有新的網紅代理營業啦!掌聲有請何文田區,豪宅親民兼備、學區房能手Fiona!本期有性價比超高的較小戶型、亦有靜中帶旺的超級大戶、當然...
【1% Anthony】讀者來信:為何貨尾一般偏貴?... 最近睇了一個半新盤的兩房單位,唔知抵唔抵,代理跟我說附近有個新盤,最後幾間賣出的價錢已經比我這個單位貴三成,一房都賣到過千萬,所以我這個單位...
【我要做業主!】上車·換樓·投資·收租·按揭全攻略... 美聯集團旗下經絡按揭轉介聯合TVB翡翠台打造置業按揭特輯【我要做業主】,無論你是上車新手或者資深投資者,相信都可以從中汲取至新、至齊、至貼的...
分享: