【紅磡搵樓】紅磡屋苑品味全接觸

選擇一個物業,除咗價格之外,唔少人都會追求生活享受嘅品味 。紅磡區作為一個發展成熟嘅區域,裏面亦有唔少充滿生活品味嘅屋苑。 跟住落嚟介紹嘅呢三個屋苑,有唔同嘅主題風格,適合買家不同嘅性格!

近年紅磡嘅海濱南岸成為唔少生活品味追求嘅好選擇,最主要因為佢嘅設計以及屋苑配套。前身為居屋「紅灣半島」改建而成嘅海濱南岸,位於紅磡愛景街。7座物業,提供2470個單位,受惠於居屋間格,單位設計實用又加貼地同實用。屋苑主打兩房至三房單位,平均實用面積由500幾至接近700幾尺。

要數到佢最有特色嘅地方,莫過於佢嘅住客會所!佔地22萬尺,天幕及牆身都以玻璃設計,感覺華麗時尚 會所裏面嘅設施應有盡有!泳池、gym room、保齡球、籃球、按摩浴池⋯⋯住戶提供完美優質嘅消閑生活服務。 無論三五知已,定係自己一個,唔使行出屋苑,都已經可以慢慢享受屬於自己嘅休閒時光!

海濱南岸行過少少,就見到要介紹嘅另一個屋苑︰半島豪庭。 作為紅磡其中一個地標式私樓,半島豪庭外觀上已經充滿咗大型屋苑嘅格調,好多電影電視劇都慕名嚟呢度取景! 整個屋苑大約1萬5千平方米,分五座合共1669個住宅單位。除咗第一之外,2-5座連合成一個大弧形設計,充滿時尚高檔嘅氣勢。

不同性格有不同生活品味,所以半島豪庭亦提供各式單位俾住戶選擇,由開放式到1-4房單位,更有少量高層複式設計,超過2000尺嘅單位!

頂級屋苑自然要配頂級會所,半島豪庭最出名嘅亦係佢地酒店級嘅住客會所!戶外暖水泳池、按摩池、宴會廳、戲院等等!咁多享受,生活精彩指數自然大大提高。 屋苑出行亦都非常方便,屋苑有天橋連接紅磡火車站。 想過海,亦可以到紅隧口嘅巴士站選擇適合嘅路線。

不過嘅然嚟到紅磡火車站,就一定要介紹佢上蓋嘅服務式住宅屋苑,都會軒! 雖然都會軒位處於紅磡站上蓋,不過地點上佢係計尖沙咀﹐如果閣下有小朋友,校網就要注意啦! 講番都會軒,佢位於紅磡都會道8-9號,由長江同和黃發展及管理,屬於服務式住宅! 屋苑由兩座物業組成,合共662個單位!單位面積由400幾至1000尺選擇都有! 都會軒生活上,最大嘅賣點就係佢周邊生活設施嘅配套 以景觀為例,高層單位可以遠望維港美景。 落到樓下就係紅館,無論演唱會或者大型活動,你隨時隨地都可以參與其中。

紅磡站作為交通樞紐、屯馬線、沙中線全部都可以一站連接。巴士站線路包含港九新界,的士站都係樓下左近,以上嘅全部都係幾分鐘路程就可以行到! 附近仲有科學館同文化博物館,每年嘅專題展覽琳瑯滿目,亦都係呢個屋苑嘅一大賣點。 如果想去到小區附近尋寶,有連接紅磡火車站嘅天橋行到去黃埔,附近亦都有好多精美嘅小店,食肆同埋商舖俾你慢慢發掘尋寶。

聽完以上嘅介紹,如果想了解更多資訊,立即按此向在線客服查詢啦!

相關文章 :

【屯門搵樓】豫豐花園.聚康山莊.怡樂花園.換樓客的世外桃源... 屯門係眾所周知嘅上車天堂,不過可能唔多人知道,其實呢區都係換樓客嘅世外桃源。 如果想細屋換大屋,又或者搵返啲有規模同配套嘅私樓,今集介紹嘅屋...
【 馬鞍山搵樓】聽濤雅苑.銀湖·天峰.星漣海.新貴換樓潮流地... 自從馬鐵通車之後,馬鞍山成為唔少換樓客嘅必爭之地。呢度環境優美,背山面海,社區配套成熟,而且發展潛力巨大。今次要介紹嘅換樓熱點,絕對係唔少中...
【馬鞍山搵樓】天宇海.曉峯灣畔.嵐岸.換樓新熱點... 近年唔少換樓客聚焦馬鞍山,全因馬鐵通車之後,呢度嘅靚盤漸漸受到大眾注目!無敵海景,背山面海,成熟嘅配套發展,靜中帶旺嘅社區模式,係唔少換樓人...
【屯門搵樓】澤豐花園.翠林花園.景峰花園.三大靚房「花園」全面睇... 好多追求單位實用靚間隔嘅人士,都特別鍾情於居屋盤,而屯門就有唔少靚則居屋,設計格局甚至同私樓有得揮。...
【屯門搵樓】豐景園.南浪海灣.富健花園.美景動人靚則盤... 係好多年前,屯門區交通仍然未係咁方便,為咗吸引用戶,唔少樓盤嘅單位間格都設計得四正實用。而家屯門交通便利,呢啲間隔咁好嘅靚盤,立即成為搶手貨...
分享: