【藍田搵樓】麗港城・匯景花園・觀月.樺峯・一綫學府集中地

藍田觀塘嘅樓盤,好似「麗港城」,「匯景花園」同埋「觀月.樺峯」近年受到唔少家庭用戶追捧,全因為單位性價比高,附近生活方便舒適。但係如果有小朋友,校網就自然係一個不可忽視嘅考慮因素 。所以今次除咗介紹以上三個屋苑之外,仲會同你一齊認識下佢哋嘅校網特色!

麗港城、匯景花園、觀月.樺峯都屬於小學48校網,中學屬於觀塘,先講小學,48校網有好多大受家長歡迎嘅選擇,例如藍田循道衞理小學、聖公會李兆強、德田李兆強兩間小學,以及聖愛德華天主教小學等等,區內嘅首選。而中學方面,觀塘出名多一綫名校,聖言中學、藍田聖保祿中學、觀塘官立中學等等,都係實力強勁嘅名校,所以呢一區向來都係升學嘅首選。但係如果家長想喺觀塘區揀一啲年輕少少嘅屋苑,就可以睇下「觀月.樺峯」。

觀月.樺峯喺2014年入夥,屬於市建局重建項目,由信和集團一齊共同發展,有別於觀塘傳統屋苑,觀月.樺峯充滿歐陸式設計,係一個39層高嘅單幢式住宅,有299個單位,實用面積介乎400幾至1300幾呎,提供一房至四房嘅多元化設計,適合不同人數嘅家庭。如果小朋友返學,交通方面就無需擔心啦,屋苑為主觀塘交通匯聚嘅月華街,港九新界嘅交通應有盡有,而且隔離就係觀塘站,如果去附近返學,都係坐一兩個站就到,即使小朋友將來跨區上學,都不成問題 !

觀塘係香港數一數二嘅多元化社區,無論大型商場,飲食娛樂都一應俱全,衣食無憂。近年唔少家長移入藍田搵樓,一來屋苑樓齡較新,二來地理位置其實亦相差無幾。

匯景花園,港鐵藍田站嘅上蓋物業!強大嘅交通優勢,令到唔少中產家庭都視佢為熱門之選,匯景花園由17座物業組成,超過4000個單位,七成以上都係三房間隔,無論大人定小朋友都有足夠嘅空間,作為藍田站上蓋屋苑,交通極為便利,車站仲設有有蓋天橋連接屋苑各座,無論日曬雨淋都唔使擔心,而且港鐵站下面亦有巴士總站,返工返學都有更多選擇,鄰近嘅麗港城,亦係深受家庭用戶歡迎嘅屋苑。

麗港城,屬於東九龍其中一個著名嘅藍籌屋苑。屋苑分四期,共38座,有超過8000個單位,實用面積由500至700幾呎不等,以2-3房嘅家庭式設計為主。整個屋苑有三個商場同兩個住客會所,提供多元化享受。鄰近就係麗港公園,提供大量嘅運動休憩場地,唔會悶親小朋友。屋苑同藍田站相距只係5-10分鐘,亦有天橋連接至附近出口,無論返學定上班,時間自然更加鬆動。而麗港城位於藍田同觀塘之間,步行前往觀塘廣場,或者APM等等大型商場,亦只係10分鐘左右,假日帶子女出門,就自然更多諗法!

以上三個屋苑有冇你心水之選?如果仲想再知多啲,立即按此向客服查詢!

相關文章 :

【藍田搵樓】鯉安苑.康華苑.康栢苑.返工生活娛樂一站式... 有唔少年青人選擇藍田屋苑上車,全因為呢度性價比高!除咗樓價彈性大之外,亦有唔少居屋屋苑適合年輕人置業。如果想選擇喺藍田搵樓嘅少年的你,呢度又...
【沙田搵樓】好運中心.穗禾苑.愉田苑.沙田.年青一族首置天地... 沙田樓盤眾多,亦係唔少年青人揀樓嘅黃金地區之一。交通選擇多,環境清幽,仲有難得嘅城門河,最重要就係盤源多元化。如果最近正有打算喺沙田置業嘅年...
【屯門搵樓】兆山苑.富健花園.啟豐園.屯門河畔上車寶地... 屯門,相信係唔少年青人上車嘅第一個搜尋地點!全因為呢區嘅樓價門檻較低,令到唔少置業人士前來尋寶。我哋今集,就聚焦喺屯門河同蝴蝶灣一帶嘅上車靚...
【直播論壇】收租養老,傳統智慧過時?... 香港人全球最長壽,平均活過 80 歲,意味退休生活隨時超過 20 年,要退而不憂,認真要提前部署!由成家博客老師「諗Sir」、首席樓市分析師...
麗港城 – 東九藍籌小社區 麗港城是東九龍規模最大的藍籌屋苑,全數四期38座,提供逾8,000單位,擁有兩個住客會所和購物商場,距離港鐵藍田站,最遠也是10餘分鐘步程,...
分享: